Бүгінгі өткізілген «Ұстаздық сабақтастық – ұрпақ жалғасы» атты ардагер ұстаздармен кездесудің мәні зор болды. Кездесу барысында жас мамандар мен оқушылар ардагер ұстаздардың өмір жолымен, педагогикалық тәжірибесімен танысты, олардың білім саласына қосқан үлесін, ізденіс пен еңбекқорлықтарын көрді. Ардагерлер өз тәжірибелерін бөлісе отырып, ұстаздық парыздың қасиеті мен маңыздылығын, шәкіртке білім берумен қатар адамгершілік құндылықтарды қалыптастырудың қажеттілігін атап өтті. Кездесу барысында олардың педагогикалық шеберлігі, адалдығы және еңбекқорлығы жас ұстаздарға үлгі болды. Осы кездесудің нәтижесінде жас мамандар мен студенттер педагогикалық дәстүрді сақтаудың, сабақтастықты жалғастырудың маңыздылығын түсінді. Бұл шара білім саласындағы ұрпақтар арасындағы байланысты нығайтып, кәсіби тәжірибені ұрпаққа жеткізудің маңызды екенін көрсетті.
