Мектебімізде «Шабыт» жобасы аясында «Таланттардың күзгі шашырауы» атты ерекше іс-шара өтті. 1–4 сынып оқушылары өз қолымен жасаған бұйымдарын жобалық жұмыс ретінде қорғап, шығармашылық қабілеттерін көрсетті.
Іс-шарада келесі жобалар ұсынылды:
«Күзгі бақ көрмесі»
«Орман сыйы»
«Күзгі ертегі»
«Менің қолөнерім»
«Менің экожобам» және т.б.
Мақсаты – оқушылардың эстетикалық талғамын дамыту, шығармашылық әлеуетін арттыру және табиғатқа деген сүйіспеншілікті қалыптастыру. Оқушылар табиғи материалдарды – жеміс-жидек, жапырақ, ағаш бұтақтары және басқа да қоршаған орта элементтерін қолдана отырып, өз жобаларын ерекше сәндік әрі мәнерлі етіп жасағаны ерекше бағаланды.
Іс-шара барысында балалар өз жобаларын қорғау арқылы коммуникативтік дағдыларын дамытты, шығармашылық ойлау қабілетін көрсетті және әрбір жас өнерпаздың талантына құрмет көрсету мүмкіндігі туды.
